الوااقعه من الله التقع كلمات ود العبيد

الوااقعه من الله التقع
حامدين وراضين بالقدر
الجايه من رب العباد
جايبالنا خير ماجايبه شر
مابحلنا البكااا والنوااااح...
مابفييدنا غيير خالق البشر
والقصه ماقصة سيوول
القصه مااقصة مطر
الماسي اكبر من طفل
الوادي شالو وانحدر
القصه في تهمييش بلد
انسانه عااايش في خطر
اسبووع ولاا لاقاهو نوم
اسبوع موااليهو السهر
حيط المدارس وقعت
ومكانه اضحي كما الحفر
واتهدمت حيط البيوت
واصبح ضليل ناسا الشجر
والوالي والناس الكباااار
لليله مااجايبين خبر
الوالي والناس الكبااار
رااقديين ونايمين في العسل
واطفالنا في عز الخرييف
في الزيفه والريح والمطر
اتوسدو الهم والسكااات
راقدين كويماات فووق حجر
لاجانا والي ولاا رئييس
ماجيتنا عزيت يااا عمر
والحاله كان حفله ورقيص
كان جيتنا باارنك كجر
يادار رباط ربك معااك
خالقنا مابجيب الضرر
ي دار رباط ليك الكريم
ياربي الطف في القدر
حالآ عليك مابنوصف
حالآ بكاهو قبلي الحجر
هديل رعاياك ي رئييس
عايشين حياتم في خطر
خايف عليك يوم السؤال
كيف تمسك صحيفتك ي عمر

محمد العبيد الباقر
رباطابي محتار وشايل هموم وطنو الصغير
مشاهدة المزيد