أنسينى

أنسيني: شعر الأستاذ عماد حسن أنسيني وأنسي الماضي تب: ماتزيدي لي النار حطب: بيتا سعيد مبروك عليك لا فيهوا زلا ولا تعب: بالقسمه مومن من زمان لكن في للأقسام سبب: وأنا مابيغيرني الزمان ومحال محال يصدا الذهب: شيليني من بالك بعيد بالفرقه صابر وعندي رب: أصبح قياس الناس قروش لابشوفوا أخلاق لا نسب: لا بشوفوا ذو اللقمه الحلال من عرقوا تعباب إكتسب: من قبلي ود عبد الحميد وضعوهو مابين اللهب: وعنتر يكسر في الحديد مع إنو فارس إنغلب: وغيث ليلي حبها ودرو وعقيلو مسكين إنشطب: كم من عدولا وإنظلم بركه دموع كباها كب: كم من سعيدا بات شقي من أضرع الأحزان حلب: كم من مزارع منتظر راجي الحصاد راجي العنب: وكتين خلاص زرعو إكتمل بس كان حصادو أسي وتعب: أصلك منوع يازمان فيك العجيب فيك العجب: