عايزك معاي- نص مشترك
صفحة 1 من اصل 1
عايزك معاي- نص مشترك
عايزك معاي- نص مشترك
محمد المهندس*عبير زين
(مع العلم أنهما خطيبين)
عبير زين:
...
عايزاك معاي
عايزاكا توعدنى بهواك
لو فتّ منك يوم بعيد
أو متّ كفنى بوفاك
عايزاك ستر من الخلوق
من بردي أتغتى بدفاك
لا يقسي قلبك مني يوم
لا تجينى لحظة اشوف جفاك
و لو مرة غادرنا الفرح
اتمنى واحلم بس معاك
نرجى الفرح يرجع يعود
و لو حتى جافانا ورحل
القاهو مدفون فى هواك
محمد المهندس:
عايزك ملامح اغنيات
مكتوبة بالحرف النضير
تصدح مع صوت الفرح
تدخل براح تمرق هدير
عايزك دعاوي وامنيات
منسابة في التلت الأخير
ممزوجة بي إلحاح وبوح
يا الله يا حي يا قدير
رهق المسافات والزمن
استوطن الروح والهجير
وانا في فيافي الاشتياق
عايزك معاي همسات عبير
عبير زين:
عايزاك معاي لحن ونغم
قضيتو قبلك عُمري هم
أيامي محسوبات سراب
شبعنى غيرك بالسجم
كتحنى بالويل والرماد
بكاني بدل الدمعة دم
وجبتنى انت زي الصباح
صايبنى فيك الريد سهم
بعد ما مات الأمل
سواهو ريدك من عدم
ضويتها ايامي بهواك
و معاكا ما عرفت الندم
محمد المهندس:
عايزك مساحات للأمل
لما يتقوقع حلمنا علي السكوت
لما نيأس من خطاوينا
ونفتش للمحطات والبيوت
لما يشرد كل صبرنا
ونفتل الافراح خيوت
لما تسكن فينا وحشة
وضي خطانا
يصيبو دوار الخفوت
عايزك تنادي علي بلد
دمدم ربيعو العنكبوت
ونسج عليو حبل الوهن
اصبح وحيد والكل يفوت
في غربة شاقيها العدم
في ارتحال لمن نموت
عايزك معاي
عبير زين:
عايزاك تهندس قلبي ريد
ترسمنى بى راحتك حروف
تقرانى فيها بيوت قصيد
تبنينى لى بحرك جروف
تكتبنى عنوان لى هواك
يكفيني قبلك تيه و خوف
عايزاك معاى
راجياك ما تبعد ... تعال
عايزك حلم كان مستحيل
عايزاك حقيقة وما خيال
تشرق شموسك كل حين
تسقينى من ريدك زُلال
محمد المهندس:
عايز اشوفك
في براءات الطفولة
في ابتسامة طفل ضايع
وشايل الاحزان حمولة
حلمو ياخد حق طبيعي
رغم عاداتنا الجهولا
يغرس الكلمة الحنينة
يزرع ارتالنا وسهولا
طفل مبسوط رغم ظلمو
عشان يحقق بكرة حلمو
ارض طيبة ونية صافية
لا رشاوي ولا عمولة
ارض ممتدة بجمالو
وفكرة للعالم يِقولا
عبير زين:
عايزة اشوفك كل لحظة
تكون قصادي
عايزة احسك فى مشيا
وفى قعادي
لما تتحدى المسافات
ليا تقطع كل وداي
نسمة بتلطف هجيري
زهرة بتعطر بوادي
عايزه اشوفك شمس ساطعة
نورها ما أتأخر قصادي
عايزة اعيشك حلم صافى
وعد ما بخلف ميعادى
عايزة اعيشك حب حقيقي
بيهو يتحقق مرادى
عايزة احسك معنى اعمق
جوة يتملك فؤادى
محمد المهندس:
الحب وحاجات تانية
بتغير طريقنا
كل لحظة وكل ثانية
الحب مسارح للدلال
واحساس غريب
احساس بجايد في المحال
زفة اشواق في طريقنا
وتوب مطرز بالفضيلة
وشال مجرتق بالهلال
الحب عيونك لما تفرح
ولما تتدفق جمال
لما تنساب بالمحنة
و لما تهمسي لي تعال
لما نتوشح تسامح
ونستريح في بيت حلال
عبير زين:
عايزاك معاى
اوعك تفوت
او تنسف الحلم القبيل
الكنا شيدناو بيوت
بانينو بالدم والدموع
البينا ما بيت عنكبوت
البينا مبنى من الصدق
البينا ما منسوج خيوت
البينا اقوى من الظروف
لا بوصفو القول لا السكوت
محمد المهندس:
بي وين افوت
بي وين امش
البينا اجمل حالة
بالافراح توشوش
البينا كلمة والتزام
مبنية بأجمل حروف
واعذب كلام
البينا يا همسة هواي
حب والاحترام
توقيع علي اجمل بنود
وشهود عيان
واجمل حضور
والكل سلاممشاهدة المزيد
محمد المهندس*عبير زين
(مع العلم أنهما خطيبين)
عبير زين:
...
عايزاك معاي
عايزاكا توعدنى بهواك
لو فتّ منك يوم بعيد
أو متّ كفنى بوفاك
عايزاك ستر من الخلوق
من بردي أتغتى بدفاك
لا يقسي قلبك مني يوم
لا تجينى لحظة اشوف جفاك
و لو مرة غادرنا الفرح
اتمنى واحلم بس معاك
نرجى الفرح يرجع يعود
و لو حتى جافانا ورحل
القاهو مدفون فى هواك
محمد المهندس:
عايزك ملامح اغنيات
مكتوبة بالحرف النضير
تصدح مع صوت الفرح
تدخل براح تمرق هدير
عايزك دعاوي وامنيات
منسابة في التلت الأخير
ممزوجة بي إلحاح وبوح
يا الله يا حي يا قدير
رهق المسافات والزمن
استوطن الروح والهجير
وانا في فيافي الاشتياق
عايزك معاي همسات عبير
عبير زين:
عايزاك معاي لحن ونغم
قضيتو قبلك عُمري هم
أيامي محسوبات سراب
شبعنى غيرك بالسجم
كتحنى بالويل والرماد
بكاني بدل الدمعة دم
وجبتنى انت زي الصباح
صايبنى فيك الريد سهم
بعد ما مات الأمل
سواهو ريدك من عدم
ضويتها ايامي بهواك
و معاكا ما عرفت الندم
محمد المهندس:
عايزك مساحات للأمل
لما يتقوقع حلمنا علي السكوت
لما نيأس من خطاوينا
ونفتش للمحطات والبيوت
لما يشرد كل صبرنا
ونفتل الافراح خيوت
لما تسكن فينا وحشة
وضي خطانا
يصيبو دوار الخفوت
عايزك تنادي علي بلد
دمدم ربيعو العنكبوت
ونسج عليو حبل الوهن
اصبح وحيد والكل يفوت
في غربة شاقيها العدم
في ارتحال لمن نموت
عايزك معاي
عبير زين:
عايزاك تهندس قلبي ريد
ترسمنى بى راحتك حروف
تقرانى فيها بيوت قصيد
تبنينى لى بحرك جروف
تكتبنى عنوان لى هواك
يكفيني قبلك تيه و خوف
عايزاك معاى
راجياك ما تبعد ... تعال
عايزك حلم كان مستحيل
عايزاك حقيقة وما خيال
تشرق شموسك كل حين
تسقينى من ريدك زُلال
محمد المهندس:
عايز اشوفك
في براءات الطفولة
في ابتسامة طفل ضايع
وشايل الاحزان حمولة
حلمو ياخد حق طبيعي
رغم عاداتنا الجهولا
يغرس الكلمة الحنينة
يزرع ارتالنا وسهولا
طفل مبسوط رغم ظلمو
عشان يحقق بكرة حلمو
ارض طيبة ونية صافية
لا رشاوي ولا عمولة
ارض ممتدة بجمالو
وفكرة للعالم يِقولا
عبير زين:
عايزة اشوفك كل لحظة
تكون قصادي
عايزة احسك فى مشيا
وفى قعادي
لما تتحدى المسافات
ليا تقطع كل وداي
نسمة بتلطف هجيري
زهرة بتعطر بوادي
عايزه اشوفك شمس ساطعة
نورها ما أتأخر قصادي
عايزة اعيشك حلم صافى
وعد ما بخلف ميعادى
عايزة اعيشك حب حقيقي
بيهو يتحقق مرادى
عايزة احسك معنى اعمق
جوة يتملك فؤادى
محمد المهندس:
الحب وحاجات تانية
بتغير طريقنا
كل لحظة وكل ثانية
الحب مسارح للدلال
واحساس غريب
احساس بجايد في المحال
زفة اشواق في طريقنا
وتوب مطرز بالفضيلة
وشال مجرتق بالهلال
الحب عيونك لما تفرح
ولما تتدفق جمال
لما تنساب بالمحنة
و لما تهمسي لي تعال
لما نتوشح تسامح
ونستريح في بيت حلال
عبير زين:
عايزاك معاى
اوعك تفوت
او تنسف الحلم القبيل
الكنا شيدناو بيوت
بانينو بالدم والدموع
البينا ما بيت عنكبوت
البينا مبنى من الصدق
البينا ما منسوج خيوت
البينا اقوى من الظروف
لا بوصفو القول لا السكوت
محمد المهندس:
بي وين افوت
بي وين امش
البينا اجمل حالة
بالافراح توشوش
البينا كلمة والتزام
مبنية بأجمل حروف
واعذب كلام
البينا يا همسة هواي
حب والاحترام
توقيع علي اجمل بنود
وشهود عيان
واجمل حضور
والكل سلاممشاهدة المزيد
شريف ابراهيم- نائب المدير العام
- عدد المساهمات : 1930
السٌّمعَة : 10
تاريخ التسجيل : 28/08/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى