صدقني يا سمح الخصال

:
صدقني يا سمح الخصال ..

البيني بينك ما ضلال ..
ماالحب وسط زيف القلوب
لا كلا لا مره استحال ..
وكتين مشاعري اتحجرت

كان الحقيقه الما خيال ..
وكتين حروفي اتعزرت
كان الحروف الما ارتجال ..

لي نيه اغرق في هواك
واتمادي في كل احتمال ..
وامزج سلاف الحب مزج
بي كل مزاجات الدلال ..
واعصر نضار خديك عشق
يسكرني بي خمرو الزلال ..
خمره هواكا ما اجملا
وما اجمل الحب الحلال ..

البينا لولا الله امر
ما كان بيغشاه الزوال ..
ما البينا اكبر من كبير
واجل من معني الجلال ..
الكون امام الحب خضع
لمست اهازيجو الكمال ..
انفاسو تهدينا الحياه
واحساسو يهدينا الجمال ..

منقول