أسقيني من شريان هواك

رضا احمد أسقيني من شريان هواك وأطراهو قلباً مانساك دثرني من أنّات شقاك وأحميني من آهات جفاك ومد على إيديك تعال نسكن هناك نعبر متاهات الهلاك بنسج حروف الإلفة خيط وبمدو عشان يوصل سماك وأجمع سِمات قلباً ولوف مناهو كان يحظى برضاك وأسقيك من دمي العشم ماعشمي ديمة أكون معاك ياحسي وإحسلسي ومناي ياكلمة بنطقا في غُناي بنسج نبض قلبك بيوت أبنيها شان أسكن برااي وأكتب عليها بريدو موووت مالريد صبح زادي وهناي وأستل سيف نطقي الوقف مالريد وصل حد الوصف تعبت دم قلمي الرعف ووقفت كتابات الحروف أنا ما إبتديتا من الألف ألفك ؛ أنامل تعترف ؛؛ باءك بيوتات الوصف ؛؛ تاءك ترانيم الحرف ؛؛ وثواني ثاءك ترتجف ؛؛ والجيم جوابات للسؤال ؛؛ والحاء حكايات للخيال ؛؛ والخاء خلود الإرتجال ؛ والدال دلال الإحتيال ؛؛ والذال ذوال الإحتمال ؛؛ وتراهو زين زينك محال ؛؛ ساقت سحاب سينك مدار ؛؛ نادت نقاط شينك تعال ؛؛ والصاد صدق لافينو شال ،، شالت من الضاد الدلال والطاء طرق للإعتذار والظاء ظروف الإنفطار والفاء فوارق الإنشطار مكتوبة قافك فيني فال كاسياني كافك تاج خصال ،، واللام شلع نور الهلال والميم مدن للإنتصار ،، نور قمر نورك نهار جددت في هاء المنال ،، وصيت على واوك رجال والياء قليبي انا ليها مال ووقفت كتابات الحرف وريدي ليك أنا ماوقف زارعو ريدي من العروق ساقيهو بدمع الولف والليلة ماش على الحصاد بريدي ليك أنا بعترف .