كت بحتاجك

نضال حسن الحاج


انا لا ابراهيمك لا رؤياك

... انا لافرعونك لا موساك

انا لا ثعبانك لاني عصاك

انا بس يا داباك ساكنة مسامك

وجبراً جارية مجاري دماك

ومقطع اول

ماغشيتك اتوكيتا عصاتي احلامي

دخل واديك عفواً ناديتك

وشلتك ريحة مطرة وقبلي

وولع نارك يوع خشيتك

ودقيت بابي واستأذنت

فتحت الباب بسراع لاقيتك

وعشعش فيني خيالك جوه

وكنت الزول الضعف القوة

وكت ات ادم وكت انا حواء

سلبت الريد الصادق مني

وكان الريد مسكين بتلوي.........

ودون ما اشعر ...

كت بحتاجك ...لما تعفرت سحب الوجعة ..تسكن خوفي........

وكت بحتاجك... لما تطش الكلمة الحلوة تلولي حروفي........

وكت بحتاجك ...تملاء فراغك فيني وتسكن آخر جوفي.......

وتبقي القلب النابض انت .ورهف إحساسي وعافية شوفي...........